Бишкекте  бир нече троллейбус каттамдары токтотулду. Мэрия себебин түшүндүрдү

© Бишкек мэриясы

Бишкекте №11,14,2,9,7 каттамдагы троллейбустар убактылуу токтотулду. Бул тууралуу калаа мэриясынан билдиришти. 

«Бишкек троллейбус башкармалыгынын подстанциясында авария болуп, учурда жеринде бригада иштеп жатат. Адистер коомдук транспорт штаттык режимде иштеп башташы үчүн колунан келгенди жасоодо», -деп айтылат маалыматта.

Азырынча троллейбустар Манас проспектисинин Бөкөнбаев көчөсүнөн Жибек Жолуна чейинки бөлүгүндө жана Киев, Жибек Жолу көчөлөрүндо токтоп турушат.